గేదె కూర్చుంది!! 2

నేను: నాన్నా గేదె కూర్చుంది!!
నాన్న: ఇట్టియ్యా ఇదేంట్రా ఇలా కుర్చుని లెగట్లేదు
ఇట్టియ్య: ఎమోరా, నేను ఎప్పుడూ చూళ్ళేదు ఇలాగ
నాన్న: ఇందాక కర్రతొ కొట్టాను
నేను: నాన్నా గేదె కూర్చుంది

ఇట్టి మాయ గేదెని చాలా సేపు జాగ్రత్తగా పరిశీలించాడు. కానీ ఎమీ అర్థం కాలేదు.

ఇట్టియ్య: ఎంతసేపయ్యింది??
నాన్న: పావుగంట పైనే అయ్యింది
ఇట్టియ్య: సత్తిరాజూ (మా నాన్న గారి పేరు సత్యనారాయణ మూర్తి, సత్తిరాజంటారు) గేదె ఇంక ఐపోయింద్రా. దాని సట్ట జారిపొయింది. ఇంక గేదె పనిచెయ్యదు.
నాన్న: డాటర్ని పిలుద్దాంరా. అని మాట్లాడుకుంటూ అక్కడి నుంచి కొంచెం దూరం వెళ్ళారు.
నేను: నాన్నా..
నాన్న: ఒరేయ్ నోర్ముయ్ (నా వంక చూడకుండానే)
మళ్ళీ పిలిచాను పలకలేదు
నేను ఎంత పిలిచినా పట్టించుకోకుండా వాళ్ళిద్దరూ చాలా సీరియస్ గా మాట్లాడుకుంటున్నారు గేదెని ఏం చేద్దామా అని.
నేను వాళ్ళ దగ్గరికి వెళ్ళాను,
నేను: నాన్నా..
నాన్న: ఓరేయ్ ఇంకోసారి గేదె కుర్చుంది అన్నవంటే నిన్ను కూడా దాని పక్కనే కుర్చోపెడతాను అన్నారు.
అది కాదు నాన్నా, ఒకసారి ఇలా చూడు అంటూ గేదెని చూపించాను
నాన్న, ఇట్టి మాయ ఆశ్చర్యపోతూ అడీగారు 'ఏం చెసావ్' అని
నేనేమీ చెయ్యలేదు కాస్త పచ్చ గడ్డి వేసానంతే అన్నాను.
అక్కడ గేదె గడ్డి మేస్తోంది కుర్చుని కాదు నుంచుని.


ఐతే OK..